ਸਿਆਣਾ ਚੋਰ ਤੇ ਭੋਲਾ ਸਾਧ 

ਕਹਿੰਦੇ ਇੱਕ ਸਾਧ ਦੇ ਘਰ ਇੱਕ ਚੋਰ ਚੋਰੀ ਕਰਨ ਦੀ ਨੀਅਤ ਨਾਲ ਆ ਵੜਿਆ। ਹੁਣ ਝੋਟਿਆਂ ਦੇ ਘਰੋਂ ਲੱਸੀ ਕਿਵੇਂ ਮਿਲੇ? ਜਦ ਚੋਰ ਨੂੰ ਚੋਰੀ ਕਰਨ ਵਾਸਤੇ ਕੁੱਝ ਨਾ ਲੱਭਾ ਤਾਂ ਉਹ ਖਾਲੀ ਹੱਥ ਮੁੜ ਚੱਲਿਆ। ਇੰਨੇ ਨੂੰ ਸਾਧ ਦੀ ਵੀ ਨੀਂਦ ਟੁੱਟ ਗਈ ਅਤੇ ਉਸਨੇ ਚੋਰ ਖਾਲੀ ਹੱਥ ਜਾਂਦਾ ਵੇਖਿਆ। ਠੰਡੀ ਰੁੱਤ ਸੀ ਤੇ ਬਾਹਰ ਬਰਫ ਪਈ ਹੋਈ ਸੀ। ਸਾਧ ਨੂੰ ਚੋਰ ਤੇ ਤਰਸ ਆ ਗਿਆ ਤੇ ਉਸਨੇ ਚੋਰ ਨੂੰ ਆਪਣੀ ਕੰਬਲੀ ਲੈ ਜਾਣ ਲਈ ਕਿਹਾ।

ਪਰ ਚੋਰ ਹੈਰਾਨ ਤੇ ਪਸ਼ੇਮਾਨ ਹੋ ਗਿਆ। ਉਸਦੀ ਚੋਰੀ ਕਰਨ ਦੀ ਨੀਅਤ ਪਲਾਂ ਵਿੱਚ ਛੂ ਮੰਤਰ ਹੋ ਗਈ ਅਤੇ ਉਹ ਸਾਧ ਦੇ ਪੈਰੀਂ ਡਿੱਗ ਪਿਆ। ਕਹਿਣ ਦਾ ਭਾਵ ਇਹ ਹੈ ਕਿ ਚੰਦਨ ਦੇ ਰੁੱਖ ਉੱਤੇ ਉਸਦੀ ਠੰਡਕ ਤੇ ਸੁਗੰਧ ਕਰਕੇ ਸੱਪ ਬਹੁਤ ਲਿਪਟਦੇ ਹਨ ਪਰ ਚੰਦਨ ਵਾਂਗ ਸਾਧ ਮਨੁੱਖ ਜ਼ਹਿਰੀਲੇ ਨਹੀਂ ਹੋ ਜਾਂਦੇ। ਚੋਰਾਂ ਨੂੰ ਮੋਰ ਪੈਂਦੇ ਤਾਂ ਤੁਸੀਂ ਸੁਣੇ ਹੋਣੇ ਪਰ ਕਦੇ ਸਾਧ ਪੈਂਦੇ ਸੁਣੇ?

ਬਹੁਤੇ ਸਿਆਣੇ ਲੋਕ ਥੋੜੇ ਜਿਹੇ ਨਿਕਟ ਵਰਤੀ ਲਾਭ ਲਈ ਚੋਰਾਂ ਵਾਂਗ ਜਾਣੇ ਅਣਜਾਣੇ ਵਿੱਚ ਹੀ ਆਪਣਾ ਦੀਨ ਇਮਾਨ ਗੁਆ ਦਿੰਦੇ ਹਨ। ਜਿੰਨੀ ਇਹਨਾਂ ਵਿੱਚ ਸਿਆਣਪ ਭਰੀ ਹੁੰਦੀ ਹੈ ਲੋਭ ਵੀ ਉਹਨਾਂ ਹੀ ਜ਼ਿਆਦਾ ਹੁੰਦਾ ਹੈ। ਇਹਨਾਂ ਸਿਆਣਿਆਂ ਨੂੰ ਅਕਸਰ ਹੀ ਵਹਿਮ ਹੁੰਦਾ ਹੈ ਕਿ ਇਹਨਾਂ ਵਰਗੀ ਚਿੱਟੀ ਚਾਦਰ ਕਿਸੇ ਦੀ ਨਹੀਂ। ਹੁਣ ਜਦੋਂ ਕਿਸੇ ਨਾਲ ਤੁਸੀਂ ਚੋਰੀ, ਠੱਗੀ, ਡਕੈਤੀ, ਧ੍ਰੋਹ, ਆਦਿ ਦਾ ਮਨ ਬਣਾ ਹੀ ਲਿਆ ਤਾਂ ਤੁਸੀਂ ਆਪਣੇ ਨਾਲ ਐਸੇ ਵਿਹਾਰ ਦੇ ਫਲ ਦਾ ਵੀ ਬੀਜ ਬੋ ਦਿੱਤਾ। ਸਮਾਂ ਆਉਣ ਤੇ ਕਿੱਕਰ ਕੰਡੇ ਹੀ ਉੱਗਦੀ ਹੈ ਅੰਬ ਨਹੀਂ। 

ਹੁਣ ਐਸੇ ਚੋਰਾਂ ਅਤੇ ਸਾਧਾਂ ਦੀ ਪਰਖ ਦਾ ਵੀ ਇੱਕ ਲਿਟਮਸ ਟੈਸਟ ਹੁੰਦਾ ਹੈ। ਉਦਾਹਰਣ ਵਜੋਂ ਸਿਆਣੇ ਚੋਰ ਨੂੰ ਅਕਸਰ ਹੀ ਮਾਮਾ ਅਖਵਾਉਣ ਦਾ ਬਹੁਤ ਸ਼ੌਂਕ ਹੁੰਦਾ ਪਰ ਉਹ ਆਪਣੇ ਆਪ ਨੂੰ ਸਾਲਾ ਨਹੀਂ ਅਖਵਾਉਣਾ ਚਾਹੁੰਦਾ। ਹੁਣ ਜਿਸਨੂੰ ਮਾਮਾ ਬਣਨ ਦਾ ਸ਼ੌਂਕ ਹੋਵੇ ਉਸਨੂੰ ਸਾਲਾ ਬਣਨ ਲਈ ਵੀ ਤਿਆਰ ਰਹਿਣਾ ਚਾਹੀਦਾ ਨਹੀਂ ਤਾਂ ……. ਤਾਂ ਲੋਕਾਂ ਕਹਿ ਹੀ ਦੇਣਾ। ਪਰ ਸਾਧ ਮਨੁੱਖ ਕਿੱਕਰ ਦੇ ਤੁੱਕਿਆਂ ਦਾ ਵੀ ਅਚਾਰ ਪਾ ਲੈਂਦਾ ਅਤੇ ਮਾਮਾ ਤੇ ਸਾਲਾ ਅਖਵਾਉਣ ਵਿੱਚ ਵੀ ਆਪਣੀ ਟੌਹਰ ਸਮਝਦਾ।

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s